Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

670 sô wærestû ein sælec lîp.
      Swaz kumbers dich dâ von ane gât,
      des tuost dû wol vil guoten rât.
      dû hâst kurzwîle vil,
      der ich dir manige zelen wil,
675 dâ mite dû sîn vergezzen maht.
      mit slâfe ergetzet dich sîn diu naht;
      die ruowest dû gar, daz ist wâr
      - daz heize ich daz halbe jâr -;
      den tac vertrîbest dû ringe
680 mit manigem lieben dinge:
      dû hœrest singen unde sagen,
      dû maht beizen unde jagen,
      spilen unde schiezen,
      wie solde dich verdriezen
685 tanzen unde springen?
      dû maht wol sanfte ringen.
      der dinge ist tûsent stunt mê,
      diu lânt dir selten werden wê;
      dû wirst von kurzwîle frô.
690 sô enist mir niender sô:

[ zurück ]