Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3727 dô enhete Êrec deheinen wân
        daz er im schaden solde,
        als er doch gerne wolde.
        den grâven nam grôz wunder
        daz si sô besunder
3732 an dem tische sâzen
        und niht ensament âzen.
        er sprach in sîner valscheit:
        "herre, wærez iu niht leit,
        sô soldet ir mich wizzen lân
3737 war umbe diz sî getân.
        ist disiu vrouwe iuwer wîp?
        der ist wünneclîch ir lîp
        und sô wol genæme
        daz si baz bî iu zæme
3742 danne dort an jener stat.
        wes habet ir si von iu gesat?"
        sus antwurte im Êrec dô:
        "herre, mîn gemüete stât alsô."
        der grâve bat in vürbaz
3747 daz erz lieze âne haz