Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3945 daz er schiet mit urloube dan
        ûf selhe ungewisheit,
        als ich iu dâ hân geseit.
        als si dô gezzen hâten,
        in eine kemenâten
3950 hiez er in betten beiden
        und doch diu bette scheiden:
        er enwolde si bî im niht ligen lân.
        slâfen begunden si dô gân.
        nû lâgen si besunder.
3955 diz was iedoch ein wunder,
        daz er durch deheinen zorn
        im den muot hete erkorn
        daz er ein sô schœne wîp meit.
        von sorgen grôzen kumber leit
3960 der vrouwen gemüete
        durch triuwe und durch güete,
        wie im diu rede würde kunt:
        wan er verbôt daz ir munt
        ze sprechenne iht ûf kæme,
3965 swaz si vernæme,
[ zurück ]