Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4045 und zuo den herbergen kam,
        nâch ungevüegem gruoze
        sô stiez er mit dem vuoze
        die tür daz si zebrach.
        daz was dem wirte ungemach
4050 und wolde wâfen hân geschrirn.
        "nû sihstû wol daz wirz birn"
        sprach der ungetriuwe man:
        "vürhte dir niht und sage an,
        waz diutent disiu lieht hie?"
4055 diz wâren diu dâ lie
        der tugenthafte Êrec
        dô er sich machete ûf den wec.
        der grâve des niht enweste.
        "wâ slâfent dîne geste?"
4060 "herre, si sint geriten."
        mit zornigen siten
        sprach der grâve: "si ensint."
        "lüge ich, herre, ich wære ein kint."
        "ez ist entriuwen dîn spot."
4065 "nein ez, herre, sô helfe mir got."
[ zurück ]