einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4072 war umbe solde ich si iu versagen?"er sprach und wolde in hân erslagen: "dû wæne ein abeleitære bist." "herre, si sint geriten, wizze Krist." "daz ist von dînen schulden." 4077 "nein ez, bî iuwern hulden." "sô hæten si des tages erbiten." ["herre, si sint nû geriten."] "sage, sint si iht verre?" "nein si entriuwen, herre: 4082 si riten an dirre stunt." "war sint si?" "deist mir unkunt." dô twanc in sîn untriuwe ze grôzer herzeriuwe. dem slâfe vluochte er sêre. 4087 er sprach: "mir enwas êre niht ze teile getân, daz ich sus verlorn hân daz schœniste wîp durch gemach die mîn ouge ie gesach, 4092 vremde oder kunde. |