Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

460 der vor im ûf daz hûs reit,
      als ich iu ê habe geseit,
      und hal in doch sîn ungemach.
      der alte alsus sprach:
      "in erkennet allez diz lant:
465 erst Îdêrs fil Niut genant"
      und sagete sîn geverte gar
      unde daz er komen dar
      mit sîner âmîen wære
      ze nemen den sparwære.
470 alsô schiere er diz vernam,
      mit vrâge er vürbaz kam,
      unz im der wirt tete erkant
      wiez umbe in selben was gewant.
      als er ims begarwe jach,
475 Êrec stuont ûf unde sprach:
      "genâde, wirt und herre,
      daz ez mir iht gewerre.
      sît ez sô umbe iuch stât,
      sô suoche ich helfe unde rât.
480 ûf genâde sô sî iu bejehen,
[ zurück ]