Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

5173 ê ich die hant umb kêrte
        oder zuo geslüege die brâ,
        sô vuor si hin und schein doch sâ.
        si lebete ir vil werde:
        in lufte als ûf der erde
5178 mohte si ze ruowe sweben,
        ûf dem wâge und drunder leben.
        ouch was ir daz untiure,
        si wonte in dem viure
        als sanfte als ûf dem touwe.
5183 diz kunde diu vrouwe.
        und sô si des gern began,
        sô machete si den man
        ze vogele oder ze tiere.
        dar nâch gap si im schiere
5188 wider sîne geschaft:
        si kunde eht zoubers die kraft.
        si lebete vaste wider gote,
        wan ez warte ir gebote
        daz gevügel zuo dem wilde
5193 an walde und an gevilde,
[ zurück ]