Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7524 iuwer kintlîcher wân.
        ir sult michz iu sagen lân.
        sehet wie grôz ein grûz sî:
        sô vil was dâ niht holzes bî.
        er was von helfenbeine
7529 und von edelem gesteine
        und von dem besten golde
        daz ie werden solde
        geliutert in dem viure:
        valsch was im tiure.
7534 von disen mâterjen drin
        sô hâte des meisters sin
        geprüevet diz gereite
        mit grôzer wîsheite.
        er gap dem helfenbeine
7539 und dâ bî dem gesteine
        sîn gevellige stat,
        als in diu gevuoge bat.
        er muosete dar under
        den goltlîm besunder,
7544 der muoste daz werc zesamene haben.
[ zurück ]