Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8207 mit selher kemenâten.
        ez was vil wol gezieret,
        sinewel, niht gevieret,
        guot unde reine,
        von edelem steine,
8212 der ie mê von marmel kam,
        als ez ir ougen wol gezam
        und als ez der wunsch gebôt,
        gel grüene brûn rôt
        swarz wîz weitîn,
8217 dirre mislîche schîn
        sô gebent und sô geliutert was
        daz er glaste sam ein glas
        geworht mit schœnen witzen.
        hie sâhen si inne sitzen
8222 den wunsch von den wîben.
        wer möhte iu die geschrîben
        und geloben ze rehte gar?
        man enmohte sô wünneclîcher schar
        nie gelîches iht beschouwen.
8227 ez wâren ahzec vrouwen,
[ zurück ]