Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8810 alle ritter die nû sint,
        daz ist eht wider in ein wint.
        sît daz dûs niht entwesen wilt,
        edel ritter, got sî dîn schilt
        und müeze dir der sêle phlegen:
8815 dir enmac eht niemen des gewegen,
        ez ensî ein ende umbe dînen lîp."
        alsô dô daz schœne wîp
        dirre vreise war genam
        unde dar zuo vernam
8820 disen grôzen untrôst,
        dô wart ir herze belôst
        liebes unde vreuden gar,
        ob si deheine bræhte dar.
        diu kraft ir zuo der varwe entweich,
8825 und wart tôtvar und bleich
        und viel vor leide in unmaht.
        der liehte tac wart ir ein naht,
        wan si gehôrte noch gesach.
        swie dicke ir leide geschach,
8830 als ir gebærde verjach,
[ zurück ]