Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9560 alsô daz ez vor mir geschehe,
        daz ich die wârheit selbe sehe."
        nû war umbe tete si daz?
        daz wil ich iu bescheiden baz.
        des enhâte si deheinen wân
9565 daz ez immer möhte ergân
        oder man in iender vunde
        der mich überwunde.
        sô rehte tiure dûhte ich sî.
        ouch bin ichs noch gewesen vrî
9570 unze hiute an disen tac,
        daz ich vil wol erziugen mac,
        ob irz niht wol geloubet.
        sehet eht ir diu houbet?
        diu hân ich elliu abe geslagen.
9575 ouch wil ich iu mêre sagen:
        der stecke der dâ lære stât,
        daz er niht houbetes ûf hât,
        und dâ daz horn hanget an,
        der beitet eines niuwen man:
9580 den solde ich mit iu hân bestat
[ zurück ]