Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9582 des hât uns beide got erlân.
        ich wæne hiute erworben hân
        ein schadelôse schande,
        sît mich von disem bande
        hât erlœset iuwer hant.
9587 got der hât iuch her gesant.
        hiute ist mînes kumbers zil:
        nû var ich ûz und swar ich wil.
        und sî iu daz vür wâr geseit:
        ir sît ze grôzer sælikeit
9592 disem hove her komen,
        wan mit mir was im benomen
        elliu sîn wünne gar.
        und was eht schœner vreuden bar.
        sît daz in mîn abe gie
9597 sô enwart eht hie nie
        deheiner slahte spil erhaben:
        durch daz in lebende was begraben
        mîn jugent unde mîn geburt,
        sô ist eht Joie de la curt
9602 genzlîchen nider gelegen.
[ zurück ]