einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9647 und vuorte si besîtenze jenem boumgarten in. daz enweste niemen dâ âne in wâ man in solde komen, daz geleite enwære von im genomen. 9652 nû îlten si alle mit vrœlîchem schalle dâ si die herren sâhen an. hie wurden dise zwêne man, Êrec und Mâbonagrîn, 9657 von aller dirre menigîn schône gesaluieret und der tac gezieret mit vrôem wîcsange. dâ wider und in lange 9662 daz herze was getrüebet, sô wart nû vreude güebet und Êrec schône gêret, sîn prîs wol gemêret. si riefen dâ ze stunde 9667 mit gelîchem munde |