Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

962 selh herzenleit niht hân getân:
      dû maht mich wol bî lîbe lân."
      des antwurte im Êrec dô.
      er sprach: "wie redet ir nû sô?
      ir spottet mîn âne nôt.
967 jâ woldet ir niuwan mînen tôt:
      sô stüende iuch ze ringe
      iuwer vürgedinge
      und iuwer grôzer übermuot.
      jâne næmet ir dehein guot
972 an disem strîte vür mîn leben.
      doch hât mir got die sælde gegeben
      daz sich diu rede verkêret hât:
      sehet, nû getuon ich guoten rât
      daz ich deheine miete
977 vür mînen lîp biete:
      swie mirn got anderswâ bewar,
      ich bins vor iu sicher gar.
      hetet ir iuwer hôchvart
      ein lützel baz an mir bewart,
982 sehet, daz wære iu nû guot.
[ zurück ]