Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9745 ûz dem boumgarten dan.
        diu houbet, als ir hôrtet sagen,
        diu drinne wâren abe geslagen,
        diu nam man abe den stecken
        - des êre got Êrecken -,
9750 unde wurden boten gesant
        nâch der phafheit in daz lant
        daz man si begrüebe nâch êren.
        hie begunde sich êrste mêren
        diu vreude ûf Brandigân.
9755 diz was von schulden getân.
        wan alsô schiere diz erschal
        in daz lant über al,
        von selhem mære
        daz des hoves vreude wære
9760 widere gewunnen
        der in was zerunnen,
        des küneges mâge und dienestman
        die vuoren ze hove alle dan
        mit den lantvrouwen
9765 die niuwen genâde schouwen.
[ zurück ]