einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9746 diu houbet, als ir hôrtet sagen,diu drinne wâren abe geslagen, diu nam man abe den stecken - des êre got Êrecken -, unde wurden boten gesant 9751 nâch der phafheit in daz lant daz man si begrüebe nâch êren. hie begunde sich êrste mêren diu vreude ûf Brandigân. diz was von schulden getân. 9756 wan alsô schiere diz erschal in daz lant über al, von selhem mære daz des hoves vreude wære widere gewunnen 9761 der in was zerunnen, des küneges mâge und dienestman die vuoren ze hove alle dan mit den lantvrouwen die niuwen genâde schouwen. 9766 hie samenten sich die besten. |