einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1302 'muoter, ich kan dirs niht gesagen.''sich her, tæte dû im iht?' 'muoter, weizgot nein ich niht.' 'wâ ist er nû?' 'bî jenem sê.' 'wê mir armer, wê!1307 er tumber gouch vil betrogen! hân ich daz an im erzogen daz er mir bliuwet mîniu kint, sô wol gevriunt sô si hie sint? dînen vriunden zimet daz niht wol1312 daz ich diz laster dulden sol von einem sô gewanten man der nie mâge hie gewan. daz dich tar gebliuwen der der sich hât verrunnen her,1317 daz ist mir iemer ein leit. wan daz man imz durch got vertreit, man dulte ez unlange vrist. jâ enweiz nieman wer er ist. [und ist daz ich nû leben sol,1322 ich sagez al der werlde wol |