Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Gregorius

1451 und volge mîner lêre
        (sô hâstû tugent und êre
        vür laster und vür spot erkorn),
        daz dir durch dînen tumben zorn
        der werke iht werde sô gâch
1456 daz dich geriuwe dar nâch.
        dû bist ein sælic jungelinc:
        ze wunsche stânt dir dîniu dinc,
        dîn begin ist harte guot,
        die liute tragent dir holden muot
1461 die in disen landen sint.
        nû volge mir, mîn liebez kint.
        dû bist der phafheit gewon:
        nû enziuch dich niht dâ von.
        dû wirst der buoche wîse:
1466 sô bin ich jâre grîse,
        mîn lîp ist schiere gelegen.
        nû wil ich dir vür wâr verphlegen
        daz ich dir nû erwirbe,
        swenne ich dar nâch erstirbe,
1471 umbe unser samenunge,

[ zurück ]