Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2497 daz si an der sünden grunt
        was gevallen anderstunt.
         Ir vreuden sunne wart bedaht
        mit tôtvinsterre naht.
        ich wæne ir herze wære
2502 gebrochen von der swære,
        wan daz ein kurz gedinge
        ir muot tete ringe
        und stuont ir trôst doch gar dar an.
        si gedâhte: 'waz ob mînem man
2507 disiu tavel ist zuo brâht
        anders danne ich hân gedâht?
        ob got mînen sun gesande
        gesunden ze lande,
        etewer der in dâ vant
2512 der hât die tavel und daz gewant
        mînem herren ze koufen geben.
        des gedingen wil ich leben,
        unz ich die rede rehte ervar.'
        ein bote wart gewunnen dar
2517 und besande alsô balde
[ zurück ]