Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2891 swie vil si in genôte.
        ein ranft von haberbrôte
        wart im dar gewunnen
        und ein trunc eines brunnen.
        alsô sprach er wider daz wîp
2896 daz kûme sîn sündic lîp
        der spîse wert wære.
         Dô in der vischære
        die kranken spîse ezzen sach,
        dô schalt er in aber unde sprach:
2901 'ouwê daz ich diz sehen sol!
        ja erkenne ich trügenære wol
        und alle trügewîse.
        du enhâst sô kranker spîse
        dich niht unz her begangen.
2906 ez enschînet an dînen wangen
        weder vrost noch hungers nôt:
        diu sint sô veiz und sô rôt.
        ez engesach nie man noch wîp
        deheinen wætlîchern lîp:
2911 den hâstû niht gewunnen
[ zurück ]