Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3006 ich kêre durch dîn liebe dar
        und hilfe dir ûf den stein
        und behefte dir dîniu bein
        mit der îsenhalten,
        daz dû dâ muost alten
3011 und daz dû wærlîche
        ûf disem ertrîche
        mich niemer gedrangest:
        des bin ich gar âne angest.'
        swie erz mit hônschaft tæte,
3016 sô wâren diz die ræte
        rehte als er wünschen wolde,
        ob er wünschen solde.
         Nû was der unguote man
        harte strenge dar an
3021 daz er im deheines gemaches
        sô vil sô des obedaches
        in sînem hûse engunde.
        sîn wîp im enkunde
        mit allen ir sinnen
3026 daz niht an gewinnen
[ zurück ]