Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3449 Dâ im diu îsenhalte lac
        beidiu naht unde tac,
        dâ hete si im ob dem vuoze
        daz vleisch harte unsuoze
        unz an daz bein vernozzen,
3454 sô daz si was begozzen
        mit bluote zallen stunden
        von den vrischen wunden.
        daz was sîn swerendiu arbeit,
        âne ander nôt die er leit.
3459 ich gelîche in disen sachen:
        als der ein lîlachen
        über dorne spreite,
        man möhte im sam gereite
        allez sîn gebeine
3464 grôz unde kleine
        haben gezalt durch sîne hût.
        swie sêre der gotes trût
        an dem lîbe wære
        verwandelt von der swære,
3469 nû was der heilige geist
[ zurück ]