Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3735 vüere der si dâ worhte.
        vreude unde vorhte
        heten die daz sâhen,
        wande si des jâhen,
        ditze wære ein sælic man.
3740 dâ enlugen si niht an.
         Dô des morgens ir vart
        gegen Rôme erhaben wart,
        dô sâhen si dicke under wegen
        daz der gereite gotes segen
3745 disses reinen mannes phlac
        mit vlîze naht unde tac.
        si engeruorte ûf der reise
        nie dehein wegevreise:
        ir spîse erschôz in alsô wol
3750 daz ir vaz ie wâren vol,
        swie vil si dar ûz genâmen,
        unz si ze Rôme kâmen.
         Von einen gnâden ich iu sage.
        vor der kunft drîer tage
3755 dô wart ze Rôme ein michel schal:
[ zurück ]