Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Gregorius

532 ez ensî daz uns dîn rât
      durch got dâ von gescheide.'
      sus buten si sich beide
      weinende ûf sînen vuoz.
      er sprach: 'herre, dirre gruoz
537 der diuhte mich ze grôz,
      wære ich joch iuwer genôz.
      stât ûf, herre, durch got,
      lât hœren iuwer gebot
      daz ich niemer zebrechen wil
542 und gebet dirre rede ein zil.
      saget mir waz iu werre.
      ir sît mîn geborner herre:
      ich râte iu sô ich beste kan,
      dâ engezwîvelt niemer an.'
547 Nû tâten si im ir sache kunt.
      er half in beiden dâ ze stunt
      weinen vor leide
      (er meinde wol si beide)
      und trôste si vil harte wol,
552 sô man den vriunt nâch leide sol

[ zurück ]