einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1263 >nein, meister, gesprechet mich.< >herre, jâ enmac ich. beitet unz daz diz ergê.< >nein, meister, sprechet mich ê.< >nû saget mirz her durch die want.< 1268 >ja enist ez niht alsô gewant.< zehant liez er in dar in. dô gienc der arme Heinrich hin dâ er die maget gebunden sach. zuo dem meister er dô sprach: 1273 >diz kint ist alsô wünneclich, zewâre, jâ enmac ich sînen tôt niht gesehen. gotes wille müeze an mir geschehen! wir suln si wider ûf lân. 1278 als ich mit iu gedinget hân, daz silber daz wil ich iu geben. ir sult die maget lâzen leben.< daz hôrte vil gerne der meister von Salerne 1280c unde volgete im zehant; |