Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Heinrich

87 werltlîcher süeze
     vellet under vüeze
     ab ir besten werdekeit,
     als uns diu schrift hât geseit.
     ez sprichet an einer stat dâ:
92 >mêdiâ vîtâ
     in morte sûmus.<
     daz diutet sich alsus,
     daz wir in dem tôde sweben,
     so wir aller beste wænen leben.
97 Dirre werlte veste,
     ir stæte und ir beste
     und ir grœste magenkraft,
       diu stât âne meisterschaft.
       des muge wir an der kerzen sehen
102 ein wârez bilde geschehen,
       daz si zeiner aschen wirt
       iemitten daz si lieht birt.
       wir sîn von brœden sachen.
       nû sehet wie unser lachen
107 mit weinenne erlischet.
[ zurück ]