Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1192 als man dâ ze hove gert:
        ich weiz wol, des engalt ich.
        herre, do gruoztet ir mich,
        und ouch dâ nieman mêre.
        do erbutet ir mir die êre
1197 der ich iu hie lônen sol.
        herre, ich erkenn iuch wol:
        iuwer vater was, deist mir erkant,
        der künec Urjên genant.
        ir sult vor schaden sicher sîn:
1202 her Îwein, nemet diz vingerlîn.
        ez ist umben stein alsô gewant:
        swer in hât in blôzer hant,
        den mac niemen, al die vrist
        unz er in blôzer hant ist,
1207 gesehen noch gevinden.
        sam daz holz under der rinden,
        alsam sît ir verborgen:
        irn durfet niht mê sorgen.'
         Alsus gap sîz im hin.
1212 nû stuont ein bette dâ bî in:
[ zurück ]