Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1477 daz sî sich roufte und zebrach.
        dô daz her Îwein ersach,
        dô lief er gegen der tür,
        als er vil gerne hin vür
        zuo ir wolde gâhen
1482 und ir die hende vâhen.
         Dô daz diu juncvrouwe ersach,
        sî zôch in wider unde sprach
        'saget, wâ welt ir hin,
        ode wâ habt ir den sin
1487 genomen der iu diz geriet?
        nu ist vor der tür ein michel diet:
        diu ist iu starke erbolgen.
        irn wellent mir volgen,
        sô habt ir den lîp verlorn.'
1492 alsus erwant in ir zorn.
        sî sprach 'wes was iu gedâht?
        wær iuwer gedanc volbrâht,
        sone hetent ir niht wol gevarn.
        ichn trûwe iu den lîp niht bewarn,
1497 ezn sî dan iuwer wille.
[ zurück ]