Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1828 manec vrum rîter kumt noch dar
        der iuch des brunnen behert,
        enist dâ nieman der in wert.
        und ein dinc ist iu unkunt:
        ez wart ein bote an dirre stunt
1833 mînem herren gesant:
        dô er in dô tôten vant
        und iuch in selher swære,
        do versweic er iuch daz mære
        und bat aber michz iu sagen
1838 daz nâch disen zwelf tagen
        unde in kurzerme zil
        der künec Artûs wil
        zuo dem brunnen mit her.
        enist dan nieman der in wer,
1843 so ist iuwer êre verlorn.
        habt ab ir ze wer erkorn
        von iuwerm gesinde deheinen man,
        dâ sît ir gar betrogen an.
        und wære ir aller vrümekheit
1848 an ir einen geleit,
[ zurück ]