Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2503 er möhte swîgen als ich.'
        diu rede dûhte si gemelich,
        daz er sich dûhte alsô guot:
        wan alsô schalclîchen muot
        gewan nie rîter dehein.
2508 dô sprach mîn her Gâwein
        'wie nû, mîn her Keiî?
        nû sprechent ir doch, ir sît vrî
        valscher rede: wie schînet daz?
        ir erzeiget doch iezuo grôzen haz
2513 disem guoten knehte.
        nû tuot ir im unrehte.
        ern gedâhte iuwer nie wan wol,
        als ein rîter des andern sol:
        und daz er nû niht komen ist,
2518 daz hât im lîhte an dirre vrist
        ein selch unmuoze benomen
        daz er niht enmohte komen.
        durch got ir sult die rede lân,'
        her Keiî sprach 'daz sî getân:
2523 ich wând ich redte rehte dran.
[ zurück ]