einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3577 ist mir getroumet mîn leben?ode wer hât mich her gegeben sô rehte ungetânen? ich möhte mich wol ânen rîterlîches muotes:3582 lîbes unde guotes der gebristet mir beider.' als er diu vrischen cleider einhalp bî im ligen sach, des wundert in, unde sprach3587 'diz sint cleider der ich gnuoc in mînem troume dicke truoc. ichn sihe hie niemen des sî sîn: ich bedarf ir wol: nû sîn ouch mîn. nû waz ob disiu sam tuont?3592 sît daz mir ê sô wol stuont in mînem troume rîch gewant.' alsus cleiter sich zehant. als er bedahte die swarzen lîch, dô wart er einem rîter glîch.3597 Nu ersach diu juncvrouwe daz |