Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3896 wol eines wurfes mâze,
        dâ er ein rêch stânde vant,
        unde vienc ouch daz zehant
        und souc im ûz daz warme bluot:
        dazn wær sînem herren doch niht guot.
3901 nû schant erz dâ erz weste
        veizet und aller beste,
        und nam des einen brâten dan.
        nû gienc ouch diu naht an.
        er schurft ein viur und briet daz
3906 und âz diz ungesalzen maz
        âne brôt und âne wîn:
        ezn moht eht dô niht wæher sîn.
        daz im dâ überiges schein,
        daz âz der lewe unz an diu bein.
3911 Her Îwein leite sich und slief:
        der lewe wachet unde lief
        umb sîn ors unde umb in.
        er hete die tugent und den sin
        daz er sîn huote zaller zît,
3916 beidiu dô unde sît.
[ zurück ]