Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4303 Nû was im daz mære
        durch sînen gesellen swære.
        er sprach 'nû müez in got bewarn.
        vrouwe, ich muoz von hinnen varn
        und mich bereiten dar zuo.
4308 und wartet mîn morgen vruo:
        ich kume ze guoter kampfzît.
        und alsô hövesch sô ir sît,
        sone saget niemen wer ich sî.
        deiswâr ich slahe sî alle drî,
4313 ich hilfe iu von dirre nôt,
        od ich gelige durch iuch tôt.'
         Sî sprach 'lieber herre,
        sô stüende iuch al ze verre
        ze wâgen ein als vorder lîp
4318 umb ein alsus armez wîp.
        mir wær der rede gar ze vil:
        und wizzet daz ich immer wil
        den willen vür diu werc hân:
        ir sult der rede sîn erlân.
4323 iuwer leben ist nützer danne daz mîn.
[ zurück ]