Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4893 ichn wil benamen die niht lân
        der ich mich ê geheizen hân
        und diu ir angest und ir leit
        niuwan von mînen schulden treit:
        wan liez ich die danne,
4898 wie zæme daz guotem manne?
        doch wære diu eine maget
        dâ wider schiere verclaget,
        wider dem schaden der hie geschiht,
        gieng ez mir an die triuwe niht.
4903 sô wære ouch dirre wirt wol wert,
        der ouch mîner helfe gert,
        und hern Gâweins swester und ir kint,
        diu mir ze herzen gânde sint
        durch sî selben und durch in
4908 dem ich wol schuldec bin
        daz ich im niht des abe gê
        daz im ze dienste gestê.
        muoz ich sî under wegen lân,
        sô habent sî des immer wân
4913 daz ich des lîbes sî ein zage.'
[ zurück ]