einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6131 die rede die man hie tuot,die tuot man niuwan durch guot. niene zürnet sô sêre. sî riuwet iuwer êre und diz rîterlîche wîp.6136 ir müezet verliesen den lîp (daz enkunnt ir niemer bewarn), welt ir ûf die burc varn. jane redent siz durch deheinen haz, wan dazs iu des gunden baz6141 daz ir dise burc mitet unde noch vürbaz ritet. wand uns ist ein gebot gegeben über guot und über leben, daz sich hie vor wîp noch man6146 neme deheinen gast an ûzerhalp dem bürgetor: hien herberget nieman vor. got sol iuch darvor bewarn: ich weiz wol, sult ir volvarn,6151 daz ez iu an den lîp gât. |