Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6458 diu kurzte in die stunde.
        ouch mohte sî ein lachen
        vil lîhte an in gemachen:
        ez dûhte sî guot swaz sî las,
        wand sî ir beider tohter was.
6463 ez ist reht daz man sî krœne,
        diu zuht unde schœne,
        hôhe geburt unde jugent,
        rîcheit unde kiusche tugent,
        güete und wîse rede hât.
6468 diz was an ir, und gar der rât
        des der wunsch an wîbe gert.
        ir lesen was eht dâ vil wert.
         Dô sî den gast ersâhen,
        dô begundens gâhen,
6473 diu vrouwe unde der herre,
        engegen im gnuoc verre
        unde enpfiengen in alsô wol
        als ein wirt den gast sol,
        der im willekomen ist.
6478 dar nâch het in in kurzer vrist
[ zurück ]