Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6930 daz ez niemen an die suone sprach,
        dô hiez er rûmen den rinc.
        nû was ez doch ein starkez dinc
        ze sehenne ein vehten
        von zwein sô guoten knehten:
6935 wanz entuot dem biderben man niht wol,
        der des andern tôt sehen sol,
        daz doch dem einem wæge was,
        ob joch der ander genas.
         Machte ich diz vehten
6940 von disen guoten knehten
        mit worten nû vil spæhe,
        waz töhte diu wæhe?
        wand iu ist ê sô vil geseit
        von ietweders manheit
6945 daz ich iu lîhte mac gesagen
        daz sî niender zwein zagen
        des tages gelîch gebârten
        und daz als ê bewârten
        daz diu werlt nie gewan
6950 zwêne strîtiger man
[ zurück ]