Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7102 daz ir ietweders schaft
        wol ze hundert stücken brach,
        und daz männeclîch dâ jach
        ern gesæhe schœner tjost nie.
        ez liefen kreiierende hie
7107 behender garzûne gnuoc,
        der ietweder truoc
        driu sper ode zwei.
        man hôrte niht wan ein geschrei
        'wâ nû sper? wâ nû sper?
7112 diz ist hin, ein anderz her.'
        dâ wart vil gestochen
        und gar diu sper zebrochen
        diu sî dâ haben mohten.
        heten si dô gevohten
7117 ze orse mitten swerten,
        des sî niene gerten,
        daz wære der armen orse tôt:
        von diu was in beiden nôt
        daz sî die dörperheit vermiten
7122 und daz sî ze vuoze striten.
[ zurück ]