einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein7582 daz ich ir iu ze liebe jehe.wæret ir mir der vremdest man der ie ze Riuzen hûs gewan, ê ir mich sô bestüendent mê, zewâre ich sicherte iu ê.7587 von rehte sicher ich von diu.' 'nein, herre geselle, ich sicher iu,' sprach mîn her Gâwein. sus werte under in zwein âne lôsen lange zît7592 dirre vriuntlîcher strît, unz daz der künec unt tiu diet beide vrâgte unde riet waz under disen liuten diu minne möhte diuten7597 dem hazze alsô nâhen den sî ê dâ sâhen; des man im schiere verjach. sîn neve her Gâwein der sprach 'herre, wir sulnz iu gerne sagen,7602 daz ir uns iht habent vür zagen, |