Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7846 'nû sî dir mîn nôt geclaget,
        wan dû mînes dinges weist
        alsô vil sô iemen meist.'
         Sî sprach 'vrouwe, ir habt den rât
        der iu wol baz ze staten stât.
7851 ich bin ein wîp: næm ich mich an
        ze râtenne als ein wîser man,
        sô wær ich tumber danne ein kint.
        ich lîde, mit andern die hie sint,
        daz mir ze lîdenne geschiht,
7856 unz man noch dirre tage gesiht
        wer iu rât vinde
        von iuwerm ingesinde,
        der dise bürde an sich neme
        und der uns ze schirme zeme.
7861 ez mac wol sîn daz ez geschiht:
        iedoch verwæn ich mich es niht.'
         Sî sprach 'dû solt die rede lân:
        ichn hân gedingen noch wân
        daz ich in iemer vinde
7866 in mînem gesinde:
[ zurück ]