Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1638 ob dû dir sælde und heiles ganst.
        nu ensûme dich niht mêre!
        ich bevilhe dir unser êre,
        unser heil stât an dir.
        nû solt dû, lîp, hin ze ir
1643 unser fürspreche sîn.“
        daz tuon ich gerne, herze mîn.
        Swaz kumbers ich unz her erleit
        sît ich sorgen begunde,
        daz was ein senftiu arebeit
1648 unz an dise stunde.
        minne mich noch ie vermeit,
        sî was mir unkunde;
        nû hât si ir kunst und kraft an mich geleit,
        wan sî mir senfte erbunde,
1653 als ir wære niht ze leit
        ob ich gar verswunde;
        wan sî mir alsô an gestreit
        daz sich mîn herze enzunde.
        nâch dir, frouwe gemeit,
1658 brinnet ez von grunde.
[ zurück ]