Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

480 doch ist ez mir noch wilde
      wie ez dar umbe stê.
      der selbe zwîvel tuot mir wê,
      herze, als dû vil wol weist.
      waz gewirretz dir ob dû mirz seist?
485 ›Lîp, ich wil ez gerne sagen,
      wan ich möht ouch ze lange dagen.
      lîp, ich bite dich durch got
      daz dû lâzest dînen spot
      und gebiut dînem munde
490 hie ze dirre stunde
      daz er stille gedage
      unde lâze sîne klage
      einem man den ir nôt ane gê.
      mir tuot dîn lürzen vil wê,
495 dû tuost mir maniger slahte leit.
      ez ist eht wâr daz man mir seit:
      swâ der schade sî,
      dâ wone der spot vil ofte bî.
      daz ist an mir wol worden schîn:
500 der muoz dâ mite sîn.
[ zurück ]