einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7994 wan swaz doch mir dâ von geschiht,benamen ich erwinde niht unz ich die rede niht baz weiz." dô sprach der künec Guivreiz: "nû wil ich iuch wizzen lân 7999 wie diu âventiure ist getân, und rehte wiez dar umbe stât, sît irs niht wellet haben rât. sist Joie de la curt genant." daz selbe wort ist unerkant 8004 uns tiutschen liuten: durch daz wil ichz diuten: des hoves vreude sprichet daz. ouch sagete er im vürbaz. er sprach: "muget ir warten? 8009 seht ir den boumgarten der under dem hûse lît? dâ hât sich nû vil manege zît ein ritter gehalten inne. si stât ze selhem gewinne 8014 als ich iu rehte wil sagen. |