einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4561 die beide ein ander trûwent wol?bî der man ich iuch daz ir durch mîne liebe ensament mir ûf mîn hûs rîtet und dâ sô lange bîtet 4566 unz daz ir geruowet sît. diz lât wesen âne strît: dâ handelt ir mich wol an, daz ichz immer dienen kan." Êrec sprach: "ich wil iuch wern: 4571 doch ensult irs niht sô lange gern. ir müezetz âne zorn lân: ich enmac niht langer hie bestân niuwan unze morgen vruo und sage iu war umbe ich daz tuo. 4576 ich envar nâch gemache niht: swaz ouch mir des geschiht, dar ûf ahte ich niht vil, wan ich dar nâch niht werben wil." der künec was des gastes vrô. 4581 zuo den rossen gienc er dô. |