einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7142 hâte rôtwildes genuoc:swarzwilt daz ander teil truoc. in dem dritten teile dâ bî, vrâget ir waz dar inne sî? dâ wâren inne besunder 7147 niuwan kleiniu kunder, vühse hasen und diu gelîche. ez was eht vil volleclîche erziuget dirre wiltban und alsô daz dehein man 7152 der doch gerne wolde jagen nimmer dörfte geklagen daz er niht wildes vunde. ouch hete der wirt der hunde die des mannes willen tâten 7157 diz jagehûs wol berâten. swenne er dar ûz sach maneges site daz er rande dâ mite, swâ er bî den zinnen saz, sô ensâhenz jene niht vil baz 7162 die dâ mite randen. |