Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7686 daz ez borten solden sîn,
        daz enwürde iu an den bilden schîn
        oder irn begriffet ez mit der hant,
        ez wære iu immer unerkant.
        die rinken wâren silberîn.
7691 war umbe? daz man ir wîzen schîn
        vor dem golde sæhe,
        veste unde spæhe.
        vil guot was daz panel,
        niht eines kalbes vel,
7696 der ich doch manegez hân gesehen:
        dâne kunde eht niemen an erspehen
        leders eines nagels breit:
        ez was guot und gemeit,
        als ez dem satele gezam
7701 und im wol ze mâze kam,
        gevüllet prîslîchen wol,
        linde sam ein boumwol,
        daz ez daz pherit niht zebrach.
        swaz man sîn vor dem satel sach,
7706 daz was gesteppet dicke.
[ zurück ]