einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8786 ob irz noch geloubet,sehet, daz sint diu houbet: diu hât der ritter abe geslagen. ouch wil ich iu mêre sagen: der stecke der noch lære stât, 8791 der ist der iuwer gebiten hât, dâ sol iuwer houbet ûfe stân. würdet ir aber des erlân oder dehein ander man der disem ritter gesigete an, 8796 daz doch niht geschehen mac, ez sûmet sich sô manegen tac, der solde blâsen diz horn, dar zuo ist ez erkorn, drîstunt vil lûte, 8801 dâ mite er daz dûte daz er gesiget hæte. des êre würde stæte, unde würde ouch erkant über elliu disiu lant 8806 vür alle ander man. |