Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8797 ez sûmet sich sô manegen tac,
        der solde blâsen diz horn,
        dar zuo ist ez erkorn,
        drîstunt vil lûte,
        dâ mite er daz dûte
8802 daz er gesiget hæte.
        des êre würde stæte,
        unde würde ouch erkant
        über elliu disiu lant
        vür alle ander man.
8807 waz sol diu rede? dâne ist doch niht an.
        ich wæne er iender sî geborn
        dem ze blâsen sî geschehen diz horn:
        alle ritter die nû sint,
        daz ist eht wider in ein wint.
8812 sît daz dûs niht entwesen wilt,
        edel ritter, got sî dîn schilt
        und müeze dir der sêle phlegen:
        dir enmac eht niemen des gewegen,
        ez ensî ein ende umbe dînen lîp."
8817 alsô dô daz schœne wîp
[ zurück ]