Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9492 waz ich durch iuch habe getân"
        und bat si des geniezen lân.
        vil tiure wart ich gemant,
        und hiez mich loben an ir hant
        ze leisten swes si bæte.
9497 des lobete ich ir stæte,
        als mich eht diu liebe twanc:
        ouch enhete ich des deheinen gedanc
        daz si mich ihtes bæte
        wan daz ich sanfte tæte.
9502 doch wære si gewert
        swes si hæte gegert,
        swaz ich bringen möhte
        und mir ze tuone töhte,
        und tuon noch swes si gert ze mir.
9507 des selben bin ich gewis an ir.
        swaz si wil daz wil ouch ich,
        und swaz ich wil des wert si mich.
        wie möhte diu geselleschaft
        hân deheine lieber kraft
9512 under manne und wîbe?
[ zurück ]