Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1882 diu vrouwe was des gastes vrô,
        doch hete si in dannoch niht gesehen.
        nû was im dar an wol geschehen:
        den er ze wirte gewan,
        der was ein harte vrum man,
1887 der besten einer von der stat.
        swaz er dem gebôt und bat,
        daz vuor nâch sînem muote.
        daz galt er wol mit guote.
        sîn zerunge was rîche
1892 und doch sô bescheidenlîche
        daz im dar under nie gebrast:
        des wart er ein werder gast.
         Dô er vernam diu mære
        daz diu vrouwe wære
1897 schœne junc und âne man,
        daz ir daz urliuge dar an
        und diu ungenâde geschach
        daz si den herzogen versprach
        und daz si ze stæte
1902 die man versprochen hæte,
[ zurück ]